人生智慧+1：修哥95至尊演唱會
歲月故仔嘅溫馨，耳仔又懷孕咗
睇佐修哥九五至尊演唱會，好開心。
其實吸引我嘅，
除佐演唱會本身，
熟悉嘅人同歌仔，
好多溫暖感動時分，
仲有一個有意思嘅問題。
一個人到95歲，點解仲有咁多人真心鍾意佢？
我一直對呢個問題好有興趣。
因為呢幾年見過好多唔同嘅朋友。
企業家。
教授。
藝術家。
創作者。
投資人。
旅行家。
亦見過好多成功。
但我慢慢發現，
成功同受人尊敬，
其實唔一定係同一件事。
有些人事業好成功。
但身邊嘅人慢慢散晒。
有些人好有能力。
但令人有壓力。
有些人好有魅力。
但相處耐咗會攰。
所以我一直好好奇：
究竟點樣嘅人生，
去到最後，
仲會有咁多人由衷想同你坐埋一齊飲茶、食飯、傾偈、為你鼓掌？
再次睇完修哥，
我好似明白多咗少少。
其實整台show最感動我嘅，
唔係歌。
唔係舞台。
甚至唔係掌聲。
而係台上台下嗰種感情。
好多後輩。
好多朋友。
好多同行。
好多陪伴咗幾十年嘅人。
可以感受到，
真心，
同埋一種經過幾十年累積落嚟嘅情義。
忽然令我諗起香港演藝圈最美麗嘅地方。
其實從來唔係明星。
而係傳承。
我細個睇香港電影同電視劇長大。
嗰一代人好有趣。
未必個個都係天才。
但好多都好專業。
好守時。
好守信。
好重承諾。
好重人情。
一代帶一代。
前輩帶後輩。
師父帶徒弟。
有機會就提攜。
有位置就留俾新人。
好多時候，
真正撐起一個行業嘅，
未必係最紅嗰個。
而係嗰班願意默默守住行業幾十年嘅人。
修哥就係其中一個。
睇住佢喺台上笑，
我突然有個好深嘅感受。
95歲。
代表咩？
代表一定經歷過好多事情。
愛過。
失去過。
風光過。
低潮過。
被誤解過。
受傷過。
送別過好多朋友。
睇住時代一次又一次改變。
但神奇嘅係，
佢身上冇一種苦味。
呢樣先最難。
因為好多人年紀愈大，
慢慢會變。
變得對世界失去耐性。
變得唔再相信人。
但修哥畀我嘅感覺係：
仲願意笑。
仲願意見人。
仲願意欣賞後輩。
仲願意感謝身邊嘅人。
仲願意相信生活。
其實呢種能力，
可能比唱歌同演戲更加難。
而呢一刻，
我忽然諗起自己呢幾年。
一路嘗試理解人性。
理解關係。
理解合作。
理解點解有D人會留低。
有D人會離開。
點解有D故事會有結果。
有D故事冇。
好多時候，
我都好想理解所有事情。
總覺得理解咗，清晰咗，
會舒服啲，
先可以安心。
但修哥好似用95年人生同我講：
有些事情，
其實唔需要全部理解。
有D人會陪你十年。
有D人只陪你一程。
有D關係會一直存在。
有D會慢慢淡出。
都冇問題。
最重要唔係留住所有人。
而係當大家同行嘅時候，
你有冇真誠對待過對方。
演唱會尾聲嗰陣，
我望住台上。
忽然有種莫名嘅感恩。
感恩屋企人。
感恩朋友。
感恩導師。
感恩一路上遇過嘅夥伴。
甚至感恩所有來過又離開嘅人。
因為原來人生去到最後，
留下來嘅，
係你曾經點樣對待身邊嘅人。
以及有幾多人，
喺多年之後，
仍然記得你帶俾佢哋嘅溫暖。
如果話修哥今次教識我一樣嘢。
我諗會係：
人生未必要活成最耀眼嘅人。
但如果有一日，
經歷過咁多事情之後，
你依然願意溫柔地對待世界，
依然願意相信人，
依然願意欣賞生命，
依然願意感謝身邊一切，
咁已經係一種非常了不起嘅成功。
有D人留下作品。
有D人留下財富。
有D人留下地位。
而有D人，
留下了一整個世代對佢嘅喜愛。
我諗。
呢個可能先係修哥最珍貴嘅代表作。
多謝你。
也多謝香港演藝界那一代前輩。
讓我們相信，
原來一個人經歷過那麼多事情之後，
仍然可以保留溫柔。
而這份溫柔，
或許比任何成就都更難得。
La vita è bella
♥